Солтүстiк Қазақстан облысы Тайынша ауданы әкiмдiгiнiң мәдениет және тiлдердi дамыту бөлiмi 2018 жылғы сәуiрдiң 12-i күнi мемлекеттiк тiлдiң қолданылу аясын кеңейту, Мағжан Жұмабаев шығармашылығын насихаттау арқылы тiл мәдениетiн көтеру, көркем әдебиеттi жандандыру, халық арасынан талапты, талантты жастарды iздеп табу мақсатында 12-16 жас аралығындағы мектеп оқушылары арасында «Мен жастарға сенемiн» мәнерлеп оқу шеберлерiнiң аудандық байқауын өткiзудi жоспарлап отыр.

Байқау мiндеттерi:

1. Қазақ тiлiнiң көркемдiгiн, байлығын Мағжан шығармалары арқылы насихаттау.

2. Мағжан шығармаларын оқу арқылы көркемсөз шеберлiгiн, тiл мәдениетiн шыңдау.

3. Жас ақындар шығармашылығын тарату.

Байқау үш номинация бойынша өтедi:

1. Көркем сөз оқу шеберлiгiн айқындау:

• Мағжан шығармаларын қазақ тiлiнде жатқа оқу;
• Отан, туған жер, тәуелсiздiк, тiл, желтоқсан тақырыптарына және Мағжан ақынға арналған өз өлеңдерiн жатқа оқу;

2. Әншiлiк қабiлетiн таныту — Мағжан әндерiн немесе қазақ халық әндерiн орындау (1 ән).

Байқау шарттары:

«Мен жастарға сенемiн» байқауына қала және ауылдық округтардан, 12-16 жас аралығындағы жастар қатысады. Байқаудың сарапшылары үмiткерлер өнерiн бағалау кезiнде олардың:

• дауыс мәнерiне;
• көркем мәтiндi оқу шеберлiгiне;
• сахналық мәдениетiне назар аударады.

Байқау жеңiмпаздары дипломдармен, бағалы сыйлықтармен марапатталады.